Aabot sa 20 Chinese national ang naaresto ng Bureau of Immigration Fugitive Search Unit nang isagawa ang isang raid sa Tagum City, Davao del Norte.
Napag-alaman na iligal na nagta-trabaho ang mga naturang dayuhan dahil pawang mga tourist visa ang hawak ng mga ito nang dumating sa Pilipinas.
Sa pakikipag-ugnayan ng Bureau of Immigration sa mga tauhan ng Armed Forces of the Philippines at Philippine National Police, naging matagumpay ang kanilang operasyon hindi lamang sa Tagum kung hindi pati na rin sa Baclaran, Pasay City.
Layunin ng nasabing raid ang pag-aresto sa lahat ng mga dayuhan na nagpapanggap na Pilipino ngunit nagtatrabaho sa bansa. | Raoul Esperas (Patrol 45)
