Nilinaw ng Department of Justice na hindi nagmula kay Pangulong Ferdinand Marcos Jr. ang utos para ipatupad o isilbi ang warrant of arrest na inisyu ng International Criminal Court laban kay Senador Ronald “Bato” Dela Rosa.
Ayon kay Justice Secretary Fredderick Vida, kinikilala ang pagpapatupad ng nasabing warrant bilang valid matapos ibasura ng Korte Suprema ang hirit na temporary restraining order ni Sen. Dela Rosa.
Dahil dito, iginiit ng kagawaran na maaari nang isagawa ng mga otoridad ang pag-aresto kay Dela Rosa.
Magugunitang inanunsyo ni Vida na inatasan na niya ang Philippine National Police at National Bureau of Investigation na arestuhin na ang nagtatagong senador. | Jun Samson (Patrol 24)
