Pangalawa ang mga manggagawang Pilipino sa may pinakamasayang workforce sa Asia-Pacific region.
Ayon sa Workplace Happiness Index: Philippines 2025 ng JobStreet by SEEK, 77 percent ng mga Pilipinong empleyado ang nagsabing sila ay “somewhat” o “extremely happy” sa kanilang trabaho, kasunod lamang ng Indonesia na may 82 percent.
Lumabas din sa survey na hindi lamang sahod ang mahalaga sa mga empleyado kundi pati ang makabuluhang trabaho, personal wellbeing, career development, at workplace flexibility.
Batay sa datos, pinakamasaya sa trabaho ang mga empleyado mula sa Visayas na may 82 percent, sinundan ng National Capital Region na may 77 percent, habang kapwa nakakuha naman ng 76 percent ang Luzon at Mindanao.
Mahigit 10,500 empleyado mula sa iba’t ibang bansa sa Asia-Pacific ang lumahok sa pag-aaral na isinagawa mula Oktubre hanggang Nobyembre ng nakaraang taon. —sa panulat ni Jordan Gutierrez
