Patuloy na bumababa ang naitatalang bilang ng mga aktibong kaso ng COVID-19 sa hanay ng Philippine National Police (PNP).
Batay sa datos ng PNP Health Service, nakapagtala ng 3 bagong kaso ng virus sa hanay ng PNP kaya’t pumalo na sa 42,187 ang kabuuang bilang ng mga tinamaan ng virus.
Mula sa nabanggit na bilang ay bumaba na rin sa 73 ang naitalang total active cases matapos namang madagdagan ng 9 ang mga gumaling sa sakit.
Dahil dito ay papalo na sa halos 42 libo o nasa 41,989 ang total recoveries habang nananatili pa rin sa 125 ang total death poll. —sa panulat ni Jaymark Dagala (Patrol 9)
