Tinatayang aabot sa dalawa’t kalahating milyong pisong halaga ng shabu ang nasabat ng PDEA o Philippine Drug Enforcement Agency sa kanilang ikinasang buy bust operations sa Quezon City nitong huwebes santo.
Arestado ang dalawang drug suspect sa naturang operasyon kung saan nakumpiska sa kanila ang humigit kumulang 500 gramo ng shabu.
Kinilala ng PDEA Special Enforcement Services ang mga naarestong suspek na sina Sahara Abduraman at Lim Akik Abdula na tubong Jolo, Sulu at nadakip sa harap ng isang mall sa Fairview.
Kapwa mahaharap sa mga kasong paglabag sa RA o Republic Act 9165 na mas kilala bilang Dangerous Drugs Act of 2002 ang dalawang nadakip na suspek.
