Iginiit ni Pangulong Ferdinand Marcos Jr. na maaaring gamitin ng mga barangay ang bahagi ng kanilang Socio-Civic Projects Fund o SCPF para sa pagbili ng bigas na ipamamahagi sa kanilang mga nasasakupan.
Ayon sa Pangulo, ang ₱100,000 mula sa ₱200,000 SCPF ay maaaring idagdag sa rice allocation ng barangay bukod pa sa tig-10 kilong bigas na mula sa Local Government Support Fund o LGSF.
May ilan na aniyang barangay ang ginagawa na ito upang mas marami pang residente ang mabigyan ng tulong na bigas.
Gayunman, nilinaw ng Pangulo na nasa mga lokal na opisyal pa rin ang desisyon kung paano gagamitin ang pondo, habang ang natitirang ₱100,000 ay nakalaan para sa scholarship ng mga estudyante.
Ayon kay Pangulong Marcos, mas alam ng mga barangay officials ang pangunahing pangangailangan ng kanilang mga nasasakupan kaya sila ang dapat magpasya kung saan pinakamainam gamitin ang pondo. | Gilbert Perdez (Patrol 13)
