Hindi palulusutin sa mga checkpoint ang mga gustong maglakad pauwi sa kanilang probinsya.
Ito ang mahigpit na bilin ni Police Deputy Director General Guillermo Eleazar, commander ng Joint Task Force COVID Shield matapos mag inspeksyon sa checkpoint sa Aguinaldo Highway sa Bacoor, Cavite.
Sinabi ni Eleazar na mahihirapan din ang mga tao na maglakad pauwi ng kanilang mga lalawigan dahil sa dami ng dadaanang checkpoint, kung halimbwang pauwi sa Bicol region.
Sakali mang makalausot sa checkpoint at makauwi sa kanilang mga lugar, inihayag ni Eleazar na kailangan ding sumailalim sa quarantine ang mga ito.
Kaya’t pakiusap ni Eleazar sa publiko, huwag nang umalis sa kanilang mga bahay para hindi makakuha ng sakit.
Tinawag pang “hero” o bayani ni Eleazar ang mga hindi lumalabas ng bahay at kung magpapasaway naman at lalabag sa quarantine ay tiyak aniyang huli ang mga ito.
