Nakatakdang pulungin ni Pangulong Rodrigo Duterte ang iba’t ibang labor group sa katapusan ng buwan para talakayin ang kontraktwalisasyon.
Sinabi ni Labor Secretary Silvestre Bello III, tiwala siyang magiging maayos ang pulong at makabubuo ng mga hakbang na magpapatigil sa mga iligal na ginagawa sa mga kontraktwal na manggagawa.
Hinikayat ni Bello ang mga grupo ng mga manggagawa at mga amo na maging bukas sa pagkakaroon ng mapagkakasunduan na magiging kapaki-pakinabang sa kanila.
Masayang ibinalita ni Bello na mahigit 55,000 kontraktwal na manggagawa sa ibang bansa ang naregular na ng kanilang mga amo.
By: Avee Devierte / Aileen Taliping
