Kumpiyansa ang isang mambabatas mula Mindanao na lulusot sa pagbusisi ng Korte Suprema ang Bangsamoro Basic Law o BBL.
Ito ang inihayag ni Anak Mindanao Representative Amihilda Sangcopan sakaling kuwesyunin sa High Tribunal ang legalidad ng nasabing panukala.
Aniya, nakatitiyak siyang papasa sa tinatawag na constitutionality test ang BBL lalo’t ito’y dumaan sa serye ng mga pagdinig gayundin sa mga public consultation.
Giit pa ng mambabatas, mayruong separability clause ang ipinasa nilang bersyon ng BBL kaya’t hindi maaapektuhan ang kabuuan nito kahit pa may makitang probisyon dito na iligal o labag sa saligang batas.
Sa huli, nananalig si Sangcopan na ganap nang magiging batas ang BBL dahil ito lamang ang susi para matamo ang ganap na kapayapaan sa Mindanao.
—-
