Ipinagmalaki ng Department of Transportation o DOTr na nag-improve ang serbisyo ng Metro Rail Tranist o MRT-3 matapos nilang i-terminate ang kontrata ng Busan Universal Railways Incorporated o BURI.
Ayon kay DOTr Undersecretary Cesar Chavez, walang naitalang “unloading incidents” o pagpapababa sa mga pasahero sa gitna ng “peak hour” kahapon.
Sinabi pa ni Chavez na nag-deploy na rin sila ng karadagdagang 15 bagon at mga technician na “inabsorbed” nila mula sa BURI.
Matatandaang tuluyan nang kinansela ng DOTr ang kontrata ng Buri noong Lunes dahil sa umano’y “poor performance” nito at kabiguang masolusyunan ang problema sa MRT.
—-
