Tinawag na fake news ni Senadora Risa Hontiveros ang kumakalat na balita sa social media kung saan iniuugnay siya sa kontrobersyal na paglilihis ng pondo ng Philippine Health Insurance Corporation.
Ayon sa Senadora, hindi sa panahon niya bilang direktor ng PHILHEALTH nang mangyari umano ang paglilihis ng pondo ng PHIC sa Health Department na nakalaan dapat para sa mga Senior Citizen.
Dahil dito, hiniling ni Hontiveros sa mga health officials ng bansa na linawin ang usapin ang isyu at umaasa siya sa Joint Congressional Committee na patunayang peke ang mga balitang nag-uugnay sa kaniya sa usapin.
Nagsimulang kumalat ang mga umano’y fake news laban kay Hontiveros nang kaniyang hamunin si Pangulong Rodrigo Duterte na sibakin sa puwesto si Solicitor General Jose Calida dahil sa anito’y pagkakasangkot sa katiwalian.