Nanawagan ang Malacañang sa taong bayan na alamin ang katotohanan sa mga isyung ipinupukol ngayon sa administrasyon ni Pangulong Noynoy Aquino.
Ito ang reaksyon ni Secretary Sonny Coloma ng Presidential Communications Operations sa mga banat ni Vice President Jejomar Binay sa kanyang talumpati sa paglulunsad ng United Nationalist Alliance o UNA nang sabihin nito na hindi samahan ng mga palpak, manhid, mga tamad, usad-pagong at teka-teka ang UNA na ang tinutukoy ay ang administrasyon ni Pangulong Aquino.
“Ang mahalaga sa kasalukuyang talakayan ay malaman ng ating mga kababayan ang katotohanan kaya’t yan naman po ang ating panawagan dahil marami pong ibinabatong batikos, ang masasabi lang po natin ay dapat ang mga ito ay batay sa aktuwal na datos o kaya ay may konkretong katibayan.” Pahayag ni Coloma.
By Mariboy Ysibido | Kasangga Mo Ang Langit
