Isa na namang Pinay ang mag-uuwi ng karangalan sa bansa matapos na tanghaling GRAND WINNER si Jonnabeth Velante sa katatapos lamang na Mrs. Grand International 2026 sa Myanmar.
Tinalo nga ng Pinay mula sa San Jose, Occidental Mindoro ang mga representative ng iba’t ibang bansa sa nasabing pageant na ginanap kahapon, August 11, 2026.
Bukod sa grand title, hakot award din si Velante nang masungkit nito ang apat na special award kabilang dito ang Best in Talent, Best in National Costume, Best Impression Award at Best in Evening Gown.
Ang Pinay beauty queen ay sinamahan ng kaniyang National Director na si Maan Cueto-Aris.
