Arestado ang tatlo katao matapos lumabag sa umiiral na Gun Ban, sa gitna ng nalalapit na State of the Nation Address (SONA) ni Pangulong Ferdinand Marcos Jr.
Kinilala ng Philippine National Police-Highway Patrol Group (PNP-HPG) ang tatlo na sina Edison Tauro, Rocky Claud Rol at Kenneth Suazo.
Nahuli ang tatlo matapos harangin ng pulisya ang sinasakyan nilang Suzuki Ciaz dahil sa nakakabit na improvised plate na napag-alamang nakarehistro sa isang Toyota Corolla.
Matapos ang pagsisiyasat, nakuha sa mga suspek ang isang kalibre 38, automatic caliber 45 at isang 9mm na baril.
Nasa kustodiya na ngayon ng RHPU-NCR Detention Facility sa Camp Crame sa Quezon City ang tatlo.