Aabot sa 24 na pamilya ang naapektuhan ng landslide dahil sa mga pag-ulang naranasan kahapon sa Maco, Davao de Oro.
Ayon kay Allen Baco, ang Operations and Warning Division Head ng Davao de Oro Provincial Disaster Risk Reduction Management Office, dakong alas-4 ng hapon nang maganap ang pagguho ng lupa na sumira sa ilang kabahan sa Barangay Mainit.
Wala naman aniyang napaulat na nasaktan o nasugatan.
Sa ngayon, ongoing na ang pagbibigay ng tulong ng lokal na pamahalaan ng lalawigan sa mga naapektuhang residente na pansamantalang nananatili sa Covered Court ng Barangay.
