Isa na namang simbahan sa maynila ang pansamantalang ipinasara makaraang mag-positibo sa COVID-19 ang ilan sa kanilang staff.
Simula noong Lunes, January 3 hanggang 15, sarado ang Sta. Maria Goretti Parish Church sa Paco upang magbigay-daan sa disinfection.
Ayon kay Father David Concepcion, Kura Paroko ng nasabing simbahan, 2 nilang staff ang tinamaan ng COVID-19.
Sa kabila nito, magpapatuloy anya ang mga Livestream Mass, alas-7 ng umaga at alas-9 ng umaga pero hndi muna magkakakroon ng komunyon.
Bukod sa Sta. Maria, isinara rin ang National Shrine of St. Jude Thaddeus matapos magpositibo sa COVID-19 ang isang pari at tatlong staff.
Ang naturang simbahan ay matatagpuan sa loob ng Malacañang Palace Complex.
