Lalagyan na ng Department of Tourism (DOT) ng libreng wifi service ang mga tourist sites sa Maynila.
Planong lagyan ng libreng wifi ang Intramuros at Rizal Park sa Maynila para palakasin pa ang turismo sa mga nasabing lugar.
Nilagdaan ng DOT at Smart Communications ang naturang proyekto sa pangunguna ni Tourism Sec. Bernadette Romulo-Puyat at Chief Revenue Officer and Smart President Alfredo S. Panlilio.
Kasama sa mga lugar na magkakaroon ng libreng wifi ang Plaza Dilao, Casa Manila, Museo de Intramuros, Plaza Roma, at Fort Santiago, pati na rin sa buong Luneta.
