Nag-viral sa social media ang post ng isang netizen na nagpaayos ng kanyang piano dahil anak ito ng namayapang National Artist na si Levi Celerio.
Ayon sa nag-post, kinuha niya ang serbisyo ni Leon Celerio dahil sa galing nitong magpatono ng piano.
Gayunman, nais ng netizen na tulungan si Mang Leon na magkaroon pa ng maraming customer dahil naghahanap ito ng mas maraming mata-trabahuhan; kaya nagpasya itong ibahagi ang contact details ng anak ng namayapang national artist.
Matatandaang iginawad ng pamahalaan kay Levi Celerio ang karangalang National Artist for Music and Literature noong 1997 dahil sa malaki niyang ambag sa larangan ng musika, partikular sa komposisyon.
Kabilang sa mga komposisyon ng nakatatandang Celerio ang mga piyesang “Ang Pipit,” “Ikaw,” at “Saan Ka Man Naroroon.”
Nagkaroon din siya ng kolaborasyon at pagsasaayos ng ilang awitin, tulad ng “Ang Pasko ay Sumapit,” na bersyong Tagalog ng orihinal na awiting Pamasko sa wikang Cebuano ni Vicente Rubi at Mariano Vestil; “Noche Buena” at “Pasko na Naman” kasama si Felipe Padilla de León; at “Sa Ugoy ng Duyan” kasama ang kapwa Pambansang Alagad ng Sining na si Lucio San Pedro. | Sa panulat ni Anjo Riñon
