Hinimok ng Malakanyang ang mga hindi pa bakunadong indibiduwal na dumalo ng “simbang gabi” o misa de gallo, virtually o sa online.
Ang hirit na ito ni Acting Presidential Spokesman at Cabinet Secretary Karlo Nograles ay sa gitna na rin ng pagsisimula ng simbang gabi ngayong araw habang ang ilan naman ay dumalo sa anticipated mass, kagabi.
Ayon kay Nograles, mas maiging magpabakuna na upang makapagsimba at bilang general rule para sa pagdalo sa pre-dawn mass ay dapat ugaliing sumunod sa minimum public health standards.
Samantala, nananatili ang buong bansa sa ilalim ng alert level 2 o ikalawang pinaka-maluwag na classification sa ilalim ng alert level system para sa COVID-19 response.
