Nadagdagan pa ng 3 ang bilang ng mga dinapuan ng COVID-19 na mga Pilipinong na nasa ibayong dagat.
Sa pinakahuling datos ng foreign affairs, pumalo na sa 11,545 ang kabuuang bilang ng mga Pilipinong nasa 82 mga bansa ang kumirmadong nagpositibo sa COVID-19.
3,244 sa mga ito ang patuloy pang nagpapagamot sa iba’t-ibang mga ospital.
Isa naman ang naidagdag sa mga gumaling sa virus, kaya’t pumalo na ito sa 7,468.
Sa kaparehong datos na inilabas ng foreign affairs, mababatid na sumirit na sa 833 ang bilang ng mga COVID-19 related deaths sa mga pinoy na nasa ibayong dagat, matapos itong madagdagan ng isa.
