Itinalaga ni Department of Transportation (DOTr) Secretary Jaime Bautista si Atty. Romeo Vera Cruz bilang bagong Officer-In-Charge ng Land Transportation Office (LTO).
Si Vera Cruz muna ang mangangasiwa sa lto hanggang July 31 o bago tuluyang makahanap na itatalagang mamumuno rito.
Maliban kay Vera Cruz, itinalaga rin ng Department of Justice (DOJ) bilang OIC ng Bureau of Immigration (BI) si Immigration Regulation Division Chief Rogelio Gevero Jr.
Sa pamamagitan naman ito ng isang Department Order kung saan inaasahang gagampanan ni Gevero ang tungkulin hanggang katapusan din ng Hulyo, o magkaroon na ng kapalit si dating Immigration Commissioner Jaime Morente.