Iimbitahan ang ilang bilanggo sa gagawing pagdinig ng Kamara ukol sa operasyon ng iligal na droga sa New Bilibid Prison (NBP).
Ayon kay House Speaker Pantaleon Alvarez, ang mga bilanggo ang may alam sa operasyon kaya sila dapat ang magpaliwanag hinggil dito.
Kabilang rin sa iimbitahan ay sina Justice Secretary Vitaliano Aguirre, dating DOJ Usec. Francisco Baraan at di umano’y driver lover ni Secretary Leila De Lima na si Ronnie Dayan.
Ipinaliwanag ni Alvarez na wala silang ididiin sa pagdinig kundi gagamitin lamang itong batayan sa pagbuo ng batas na pipigil sa pagbuo ng drug operation sa Bilibid.
By Rianne Briones
