Inihayag ni Department of the Interior and Local Government (DILG) Secretary Eduardo Año na matapos ang kanilang masinsinang pag-uusap ni Pangulong Rodrigo Duterte tungkol sa online sabong ay agad nagsagawa ng survey ang DILG.
Batay sa lumabas na pag-aaral, karamihan sa mga Pilipino na kanilang natanong ay ayaw ng e- sabong.
Ipinabatid pa ni Año na 68% ang nagsabing hindi nakakatulong ang e-sabong sa kanilang pinansyal na pangangailangan habang nasa 62% naman ang nagsasabing dapat suspindihin ang operasyon nito.
Kabilang din sa naging basehan ng pangulo na itigil ang e-sabong ang moral issue tulad ng adiksyon.