Paliliwanagin ni Manila City Mayor Honey Lacuna ang lungsod upang maiwasan ang pagdami ng krimen.
Ito ang inanunsyo ng alkalde sa lingguhang ‘Kalinga sa Maynila’ forum nang tanungin kung kailan paiilawan ang A. H. Lacson Avenue sa Sampaloc.
Tiniyak ni Lacuna na sisimulan na sa mga susunod na araw ang pagpapailaw sa nasabing kalsada sa pangunguna ni City Electrician Randy Sadac.
Ang kadiliman anya sa isang lugar ay nagbibigay-daan sa pagdami ng krimen lalo ngayong nalalapit na ang holiday season.
Umapela naman ang alkalde sa kanyang mga constituent na isumbong sa kanilang ang mga lugar na kailangan pang pailawan. – sa panulat ni Hannah Oledan