Naniniwala ang grupo ng OCTA research na kailangan ng mas mahigpit na enhanced community quarantine sa NCR upang mapabagal ang hawaan ng COVID-19.
Ayon kay OCTA research fellow, Dr. Guido David, hindi kasing-higpit ang ECQ ngayon sa ipinatupad na lockdown nitong Marso at noong isang taon.
Malaya pa rin aniyang makapagsagawa ng social gatherings ang mga residente ng Metro Manila at mataas ang mobility kumpara noong mga nakaraang ECQ.
Hinimok naman ni David ang publiko na iwasang lumabag sa quarantine rules tulad ng social gatherings upang mapigilan o mapabagal ang pagkalat ng sakit.—sa panulat ni Drew Nacino