Inihayag ng Department of the Interior and Local Government o DILG na dapat na tutukan ng mga lokal na pamahalaan ang performance ng contact tracers ngayong sapat na ang bilang ng mga ito.
Ayon kay DILG Spokesperson Undersecretary Jonathan Malaya, inaprubahan ni Pangulong Rodrigo Duterte ang contract renewal ng 15,000 contact tracers.
Aabot sa P1.6 bilyon ang inilaan para sa contract renewal ng mga contact tracer hanggang Disyembre.
Pinaalalahanan naman ni Malaya ang mga contact tracer na magsagawa ng active case findings, i-prayoridad ang mga lugar na may mataas na kaso, at tukuyin ang mga close contacts ng mga suspected, probable at confirmed cases. —sa panulat ni Hya Ludivico