Umapela si Lanao Del Sur Gov. Mamintal “Bombit” Adiong Jr. sa kaniyang mga nasasakupan na mahigpit na sundin ang itinakdang minimum health protocols ng gobyerno.
Ito’y makaraang pagbigyan ng National Action Plan Against COVID-19 ang hirit ng gobernador na muling isailalim sa modified enhanced community quarantine (MECQ) ang Lanao del Sur at Marawi City.
Giit ni Gov. Adiong, muling sumipa ang naitatala nilang kaso ng coronavirus disease 2019 (COVID-19) sa kanilang lalawigan bunsod na rin ng pagbabalik probinsya ng locally stranded individual (LSI)’s mula Metro Manila.
Epektibo ang pagpapatupad ng mecq sa Lanao del Sur at Marawi City simula Lunes, Setyembre a-7 at tatagal hanggang sa Setyembre a-30.
