Nanindigan si resigned Department of Interior and Local Government (DILG) Secretary Mar Roxas na hindi siya bababa para sa pagka-Bise Presidente sa darating na Halalang Pampanguluhan sa susunod na taon.
Ito’y sa kabila ng pagmamatigas ni Senadora Grace Poe sa panliligaw ng Partido Liberal na tumakbo na lamang bilang running mate ni Roxas.
Sa isang panayam kay Roxas, sinabi nito na dumaan sa tamang proseso ang pagpili ng Liberal para standard bearer nito at wala siyang hininging anuman para paboran siya at basbasan ng Pangulong Aquino.
Malinaw lamang aniya ang naging pasya ng lapian at iyon ay ituloy ang Daang Matuwid ng Pangulong Noynoy Aquino na kaniya rin namang ikinakampaniya.
By Jaymark Dagala
