Nakapagtala ang Department of Health (DOH) ng 19,262 na bagong kaso ng COVID-19 sa bansa mula Agosto a-22 hanggang a-28.
Bunsod nito nasa 2,752 ang average na bilang ng bagong kaso kada araw ngayong linggo na mas mababa ng 19% kumpara sa mga kaso noong Agosto a-15 hanggang a-21.
Nabatid na sa mga bagong kaso ng sakit, 110 ang may malubha at kritikal na karamdaman, habang 316 naman sa mga ito ang pumanaw.
Samantala, higit sa 72 milyong indibidwal na o 92.80% ng target na populasyon ang bakunado laban sa COVID-19 habang 17 milyong indibidwal naman ang nakatanggap na ng kanilang booster shots.
