Hinigpitan na ng pamahalaang panlalawigan ng Pampanga ang isang kilometrong quarantine radius sa Barangay San Carlos sa bayan ng San Luis.
Ito’y makaraang maitala sa nasabing lugar ang unang kaso ng Avian H5 bird flu virus na kumitil sa libu-libong manok sa isang poultry farm sa nasabing lugar.
Dahl dito, idineklara na ni Pampanga Governor Lilia Pineda ang state of calamity sa kanilang lalawigan dahil sa outbreak ng nasabing sakit.
Nagpakalat na ng checkpoints ang pulisya gayundin ang Department of Agriculture o DA sa 12 bayan sa Pampanga upang mabantayan ang mga lumalabas at pumapasok sa kanila na poultry products.
By Jaymark Dagala