Isa ang patay matapos pagbabarilin ng mga pulis sa kanto ng Shaw Boulevard at Old Wack Wack Road sa Mandaluyong City.
Ayon kay Mandaluyong City Police Chief, Senior Superintendent Moises Villaceran Jr., isang lalaking lulan ng puting Mitsubishi Adventure ang inakala ng mga pulis na tumatakas, dakong 11:30 kagabi.
Gayunman, napag – alaman nilang maghahatid lamang sana sa ospital ang sasakyan ng isang nasugatang babae na binaril naman sa hiwalay na insidente sa Freedom Park, Block 22 Extension, 10:00 ng gabi.
Inakala aniya ng mga pulis na getaway vehicle ng mga salaring bumaril sa babae ang adventure kaya’t hinabol at pinaputukan ito.
Iniimbestigahan na ang dalawang nabanggit na insidente habang naka – hold ang lahat ng pulis sa Mandaluyong at ipinatawag na din ang mga barangay tanod upang magpaliwanag.
