Naaresto na ng Philippine Drug Enforcement Agency o PDEA ang pasaherong umabandona sa isang bagahe na naglalaman ng 30 milyong pisong halaga ng hinihinalang shabu sa NAIA o Ninoy Aquino International Airport.
Ayon kay PDEA NAIA Supervisor Gerald Javier, nadakip ng mga operatiba ng PDEA Region 3 ang suspek na si Nazarene Obillo sa Tarlac.
Sa impormasyon ni Customs Deputy Collector for Passenger Services Atty. Lourdes Mangaoang, dumating si Obillo ng Pilipinas kahapon ng alas 6:30 ng umaga mula Hanoi, Vietnam.
Ggayunman, nang iinspeksyunin na ng Bureau of Customs ang dala nitong bagahe, bigla itong nagdahilan na pupunta ng palikuran at hindi na bumalik.
Narekober naman sa iniwang bagahe ng suspek ang limang kilo ng hinihinalang metamphetamine o shabu. — ulat mula kay Raoul Esperas (Patrol 45)
