Patay ang isang lalaki matapos mahulog mula sa 16th floor ng isang condominium tower sa Adriatico St., Ermita, Maynila.
Kinilala ang biktima na si Christian Stephen Sarmiento, na residente ng isang kilalang condo building sa nabanggit na lungsod.
Sa imbestigasyon ng mga tauhan ng Manila Police District (MPD)-Homicide Section, dakong alas-5:40 ng madaling araw nang makarinig ng malakas na kalabog ang mga naka-duty na security guard.
Agad na pinuntahan ng mga gwardiya ang pinanggalingan ng tunog at dito na nakita ang biktima na nagkabali-bali ang mga buto sa katawan dahilan ng agaran nitong pagkamatay.
Patuloy pang iniimbestigahan ng mga otoridad kung nagpatiwakal, aksidenteng nahulog o kung may naganap na foul play sa insidente.
