Nasa 35% pa lamang ng Public Utility Vehicles (PUVs) ang humiling ng kopya ng bagong fare matrix.
Ayon kay LTFRB Technical Division Chief Joel Bolano, mula sa 230,000 na PUV Operators na target ng ahensya nasa 82,000 pa lamang ang nag-request ng naturang matrix na magbibigay daan para magtaas ng kanilang pamasahe.
Sinabi ni Bolano na maaaring ilabas ng mga jeepney operators ang kanilang fare matrix sa loob ng 3 araw.
Aniya, ang pagkaantala sa pagpapalabas ng matrix ay minimal o isolated case lamang.
Samantala,pinag-aaralan pa ng ltfrb board kung ipagpapaliban nila ang paniningil ng bayad na ipapataw sa mga operators na hindi susunod sa panuntunan.
