Tinawag na fake news ng Presidential Communications Office (PCO) ang kumalat na memorandum kung saan may dalawang araw na kaltas sa suweldo ang mga manggagawa ng gobyerno upang pondohan ang isang Turkey Earthquake Relief Fund.
Ayon kay PCO Secretary Cheloy Garafil, wala silang inilalabas na kahalintulad na abiso.
Agad namang nakipag-ugnayan sa mga otoridad ang opisina ni Executive Secretary Lucas Bersamin para imbestigahan ang isyu.
Nitong weekend unang kumalat ang memo kung saan lahat umano ng manggagawa ng gobyerno ay kakaltasan sa sahod na may lagda pa ni Bersamin.
Sa ngayon, payo ng PCO sa mga empleyado ng gobyerno na mag-ingat at obserbahan ang pagbabantay laban sa mga maling impormasyon.
