Aprubado na ng Energy Regulatory Commission o ERC ang prepaid electricity program ng MERALCO.
Sa ilalim ng kuryente load service, maaaring magpakabit ng metro ang mga residente nang hindi nagbabayad ng service deposit at kailangan lamang bumili ng load na kahit P100 pesos pataas.
Sa oras na ma-konsumo ang load, ay otomatikong mapuputol ang linya ng kanilang kuryente subalit maaari namang bumalik din agad sa oras na mag-load muli.
Layon ng electricity prepaid program na ma-monitor at ma-regulate ng mga customer ang kanilang konsumo at mabawasan ang mga illegal connection o mga nagja-jumper.
Sa ngayon ay mayroong kuryente load program sa mga subscribed unit sa Rizal at Manila area habang plano rin ng MERALCO na magdagdag sa Pasig, Caloocan at Quezon cities maging sa Cavite.
By Drew Nacino
