Aminado si Education Secretary Juan Edgardo “Sonny” Angara na patuloy na lumalala ang learning crisis sa bansa mula noong COVID-19 pandemic.
Ayon kay Sec. Angara, ito ay dahil marami pa ring mga estudyanteng hindi marunong magbasa dahil sa ginagawang homeschooling o paper-based modular learning kung saan hindi nakatutok ang mga guro sa mga mag-aaral.
Patunay aniya ito na wala sa tamang lebel ang pagkatuto ng mga bata dito sa Pilipinas.
Upang matugunan ito, sinabi ng kalihim na nagpatupad na sila ng summer programs upang mapagtuunan ng pansin ang mga basic skills.
Nauna nang sinabi ni Sec. Angara na marami pa ring suliraning kinahaharap ang education sector sa bansa, kabilang na ang kakulangan sa classroom, insidente ng bullying, at mga binabahang silid-aralan.
