Mas pinaiigting pa ng Southern Police District (SPD) ang kampanya nito kontra iligal na droga at kriminalidad.
Ito ang inihayag ni SPD Director PBGEN Jimili Macaraeg kasunod nang pagkakaaresto sa ilang drug personalities sa kanilang distrito.
Sunod-sunod ding naaresto ng mga elemento ng SPD ang iba pang mga hinihinalang wanted criminals sa kanilang Areas of Responsibility (AOR) sa pakikipagtulungan ng iba pang police units.
Nanawagan naman sa publiko si Macaraeg na maging vigilant at agad na isumbong sa mga awtoridad ang mga nakikita nilang kahina-hinalang aktibidad o gawain sa kanilang paligid upang masakote ang mga kriminal at mailagay sa likod ng rehas na bakal. - sa panulat ni Abie Aliño-Angeles
