Naka alerto na ang emergency response team ng National Disaster Risk Reduction and Management Council (NDRRMC) sa mga lugar na tatamaan ng bagyong Ramon.
Ayon kay NDRRMC spokesperson Mark Timbal, nakahanda na ang kanilang mga kagamitan gaya ng rescue boats para sa mga ililikas na residente sa mga posibleng bahaing lugar.
Handa na rin aniya ang mga relief goods na ipapamahagi sa mga evacuees.
Patuloy rin umano ang kanilang pakikipag ugnayan sa mga local government unit para sa posibleng kailanganin pang dagdag pwersa.
