Tumaas ang bilang ng mga nagparehistro ng online business sa Department of Trade and Industry (DTI) sa gitna ng umiiral na community quarantine.
Ito’y batay sa datos ng DTI kumpara noong unang tatlong buwan ng kasalukuyang taon.
Lumalabas na nitong ika-2 ng Setyembre ay kabuuang 712,657 na ang bilang ng mga nagparehistro para sa online business.
Paliwanag ni DTI Secretary Ramon Lopez, ang online registration ay tumatagal lang aniya ng 8-minuto.
Pagdidiin pa ni Lopez, ito’y bahagi ng kampanya ng pamahalaan na tanggalin ang red tape para magkaroon ng ease of doing business.
