Kinundena ng labor group na Trade Union Congress of the Philippines (TUCP) at health group na Medical Action Group (MAG) na hindi nakararating sa sambayan ang mga ayudang nararapat sa kanila.
Giit ng grupo ito’y dahil sa anila’y korapsyon at kapabayaan ng administrasyon.
Binigyang diin pa ng TUCP at MAG na hindi pwedeng gawing palusot ng administrasyon ang pagkakaroon ng COVID-19 pandemic dahil sa buong mundo naman aniya ito nararanasan.
Ramdam sa buong mundo ang hagupit ng COVID 19 pandemic, ngunit hindi to dapat gawing palusot ng Duterte administration sa nararanasang virus surge sa Pilipinas na resulta ng kahinaan ng gobyerno.
Kapwa tinuran ng labor group na Trade Union Congress of the Philippines (TUCP) at health group na Medical Action Group (MAG) na mayroong pondo para sa ayuda at pambili ng medical supplies ngunit hindi nakakarating sa tao dala na rin ng korupsyon at kapabayaan ng administrasyon.
Kung kaya’t ayon kay TUCP Spokesperson Allan Tanjusay majority sa kanilang hanay ng mga manggagawa ay ‘dissatisfied’.
Gayundin ang pananaw ni MAG Chairperson, Dr. Nemuel Fajutagana sa pagtugon ng pamahalaan kontra COVID-19 pandemic.
Nakababahala aniya ang panibagong pagsirit ng kaso ng virus na 22,000 daily cases bagay na nakakatakot dahil sa posibilidad na mag-collapse ang healthcare system ng bansa na sinundan pa ng kaliwa’t-kanang pagreresign ng mga health workers.