Kabilang si Pangulong Rodrigo Duterte sa apat na strongmen o pinakamatapang na world leaders batay sa pinakabagong edisyon ng Time Magazine.
Ayon sa istoryang isinulat ni Ian Bremmer, inihanay ang Pangulo kina Russian President Vladimir Putin, Hungarian Prime Minister Viktor Orban at Turkish President Recap Tayyip Erdogan.
“What the ‘Tough Guy’ era means for global politics” https://t.co/V47NdGEDtc
— TIME (@TIME) May 3, 2018
Sinasabi sa ulat na dahil sa pagiging matapang at mapangahas, malinaw umanong nagiging banta ang mga naturang pinuno sa lahat ng mga makapangyarihan at ma-impluwensyang sektor sa mga lipunang kanilang kinabibilangan.
Inilarawan din sa artikulo si Pangulong Duterte na tila inilalagay na sa sariling kamay ang pagpapa-iral ng batas, masunod lamang ang kaniyang pangako na tapusin ang problema ng bansa hinggil sa iligal na droga.
—-
