Naghahanda na ang Philippine National Police (PNP) para sa pagpapatupad ng mga hakbang upang matiyak ang kaayusan at kaligtasan ng publiko sa pagdiriwang ng Pasko at bagong taon.
Ayon kay Col. Redrico Maranan, hepe ng PNP Public Information Office, sinimulan na ng mga yunit ng pulisya ang paghahanda upang matiyak na magiging mapayapa ang panahon ng yuletide.
Dagdag pa ni Maranan, ipatutupad nila ang parehong security measures na ipinatupad noong Undas kabilang ang direktiba ni PNP chief general Rodolfo Azurin Jr., upang magpakalat ng 85% ng kanilang mga tauhan.
Sinabi pa ni maranan na magpapakalat sila ng mga tauhan sa shopping malls, flea markets, parks at iba pang lugar.
Ilalagay naman sa full alert ang PNP isang linggo bago ang kapaskuhan at binabantayan din nito ang mga miyembro ng drug ring na maaaring manamantala sa mga Christmas Party upang magbenta ng iligal na droga tulad ng ecstasy tablets. —sa panulat ni Hannah Oledan