Tinanghal na kampeyon ang undefeated Adelaide 36ers na team ni Filipino Basketball Phenomenon Kai Sotto sa National Basketball League Pre-season Tournament (NBL) Blitz sa Australia.
Tinalo ng Adelaide ang Brisbane Bullets sa score na 72-67 sa kanilang paghaharap sa Mystate Bank Arena sa Hobart, Tasmania.
Kumamada si Daniel Johnson ng 16 points para sa sixers habang nag-ambag ng 13 points si Todd Withers habang isang beses lang naglaro si Sotto kung saan nagpakawala ito ng 7 points.
Inihayag ni Adelaide Head Coach CJ Bruton na pinagpahinga muna nila si sotto habang naghahanda ang sixers para sa NBL regular season na lalarga sa December 3.
Makakasagupa ng Adelaide ang Perth Wildcats sa season opener.—sa panulat ni Drew Nacino
