Nakatakdang isailalim sa full closure ang northbound lane ng Bocaue River Bridge sa North Luzon Expressway (NLEX).
Ayon sa Metro Pacific Tollways, operator ng NLEX, 8 p.m. hanggang 5 a.m. bukas, bibigyang daan ang huling bahagi ng rehabilitasyon ng nasabing tulay.
Isasagawa ang concrete puring at curing sa tulay kaya’t gabi-gabing isasara ito hanggang sa September 14.
Magpapatupad naman ng counter flow sa southbound lane ng Bocaue bridge sa kasagsagan ng closure.
Dahil dito, ang apat na linya ng southbound ng tulay ay hahatiin, ang dalawang linya ay gagawing northbound at ang dalawa ay southbound.
