Sumuko ang umano’y isang miyembro ng New People’s Army (NPA) sa isang pinuno ng barangay sa bayan ng Las Navas, Northern Samar.
Kinilala ang dating rebeldeng komunista na si Jr(jay-r) Jarito alyas ‘Ka Papay’ noong ito ay miyembro pa ng communist group.
Ayon kay 803rd Infantry Brigade Spokesperson Captain Valben Almirante, sumuko si Jarito sa Village Chairwoman na si Marivic Jepollo ng nasabing lugar.
Si Jarito aniya ay dating miyembro ng Squad 3 ng Sandatahang Yunit Pampropaganda (SYP) Platoon ng Front Committee 1, Sub-Regional Committee ‘Emporium’ ng Eastern Visayas Regional Party Committee.
Isinuko rin ng rebelde ayon kay Jarito ang armas nito.
Samantala, ang rebelde ay sumapi sa Communist Armed Group noong 2001 ngunit nagpasyang sumuko dahil sa matinding kampanya ng pwersa ng gobyerno sa lugar at para mamuhay ng mapayapa. —sa panulat ni Airiam Sancho