Nagsampa ng criminal complaint ang Bangko Sentral ng Pilipinas (BSP) at Philippine National Police (PNP) sa Quezon City Prosecutor’s Office laban kay alyas “Jam Jaren,” 24 na taong gulang na nakunan ng video na nagsusunog ng P20 na perang papel.
Batay sa video na kumalat sa social media sinunog ni Jam Jaren ang naturang pera para mag-apoy sa laman ng isang bote ng alak.
Ayon kay BSP Deputy Governor of Payments and Currency Management Sector Mamerto Tangonan, ipagpapatuloy nito ang kaso hanggang sa mahatulan.
Nabatid na sa ilalim ng Presidential Decree No. 247, ang sadyang pagsira, pagpunit, pagsusulat at pagsunog sa perang papel at barya ay may parusang pagkakakulong ng hanggang 5 taon at multang hindi hihigit sa P20,000.