Nakatakdang bisitahin ni Pangulong Rodrigo Duterte ang ilan sa mga sikat na tourist destination sa bansa bago matapos ang Pebrero.
Ayon kay Tourism Undersecretary Art Bonacto, layon nitong ipakita sa publiko na ligtas na bumiyahe sa Pilipinas sa gitna ng banta ng corona virus disease 2019 (COVID-19).
Kabilang sa inirekomenda sa Pangulo ay ang pagbisita at paliligo mismo sa Boracay.
Kasabay nito, nangako naman ang mga may – ari ng airline company at mga hotel na magbababa ng presyo para maenganyo ang mga Filipino na mamasyal sa iba’t-ibang bahagi ng bansa.