Kinasuhan na ng Manila Police ang dalawa sa pitong suspek sa panununog sa isang tindero ng lobo sa Pandacan, Maynila.
Ayon sa Manila Police District special mayor’s reaction team, dalawa sa mga suspek salarin ang nasa legal age na kaya sila ang nahaharap sa kasong arson resulting in serious physical injuries at alarm and scandal.
Sinampahan din ng kasong child abuse ang dalawa dahil sa pag-utos umano ng mga ito sa limang menor de edad na sunugin ang lobo ng vendor na naging dahilan ng injury nito.
Ayon kay Manila Mayor Isko Moreno, miyembro ng isang gang ang mga menor de edad at bahagi ng kanilang initiation rites ang pagsunod sa utos na sunugin ang mga lobo.
Patuloy naman na nagpapagaling sa pagamutan ang tindero ng lobo na nagtamo ng second – degree burn sa kamay at binti.
