Makakaranas ng water service interruption sa loob ng sampung (10) araw ang ilang bahagi ng Metro Manila at Cavite simula sa Setyembre 27.
Batay sa abiso ng Maynilad, kabilang sa maaapektuhan ang ilang parte ng Muntilupa, Imus at Bacoor sa Cavite, Las Piñas at Parañaque.
Paliwanag ng Maynilad, ito ay dahil sa pagsasagawa ng ikalawang bugso ng kanilang Putatan Water Treatment Plant 2 project kung saan layong palawakin ang serbisyo ng Maynilad sa mga nabanggit na apektadong lugar.
Tiniyak naman ni Grace Laxa, assistant manager ng Maynilad Media Relations Office, na may nakahandang mga trak ng tubig para magbigay ayuda sa mga residenteng maaapektuhan ng water interruption.
